'ಬಂಗಾರದ ಮನುಷ್ಯ'ನ ಬಂಗಾರದಂಥಾ ಹಾಡು

ಸಾವಿರಾರು ಜನರ ಜೀವನ ಶೈಲೀನೆ ಬದಲ್ಸೋ ಶಕ್ತಿ ಒಂದು ಸಿನಿಮಾ ಹಾಡಿಗೆ ಇರುತ್ತೆ ಅಂದ್ರೆ ಅಚ್ಚರಿ ಆಗುತ್ತಲ್ವಾ? ಸಾವಿರ ಮೈಲಿಯ ಪಯಣವೂ ಒಂದು ಹೆಜ್ಜೆಯಿಂದಲೇ ಆಗೋದು, ಪ್ರಯತ್ನ ಪಡಬೇಕು, ಎಂದೆಗುಂದಬಾರ್ದು ಅನ್ನೋ ಸಂದೇಶಗಳನ್ನೆಲ್ಲಾ ಅದೆಷ್ಟು ಚೆನ್ನಾಗಿ ಬಂಗಾರದ ಮನುಷ್ಯ ಚಿತ್ರದ ಈ ಹಾಡಲ್ಲಿ ಕೊಟ್ಟಿದಾರೆ ನೋಡಿ.
ಸಖತ್ ಸ್ಪೂರ್ತಿ ಕೊಡೋ ಈ ಹಾಡಲ್ಲಿರೋ ವಿಶೇಷನಾದ್ರೂ ಏನಂತೀರಾ? ಎಷ್ಟು ಸಾರ್ತಿ ಕೇಳುದ್ರೂ ಇಂಪಾಗಿರೋ ಸಂಗೀತ, ಮೈ ಮನಗಳಲ್ಲಿ ಅದಮ್ಯವಾದ ಕಸುವು ತುಂಬುವ ಸಾಹಿತ್ಯ, ಕಣ್ ತಣಿಸೋ ನೋಟ, ಮನ ತಟ್ಟೋ ಅಭಿನಯಾ... ಆಹಾ ಇನ್ನೊಂದಪಾ ನೋಡ್ಮಾ ಬನ್ನಿ ಈಗ .

ಈ ಸಿನಿಮಾನಾ, ಈ ಹಾಡನ್ನ ನೋಡ್ಕೊಂಡು ಎಷ್ಟೋ ಜನರು ತಮ್ಮ ಬದುಕಿನ ದೃಷ್ಟಿಕೋನವನ್ನೇ ಬದಲಿಸಿಕೊಂಡ್ರಂತೆ

ಕನ್ನಡ ನಾಡು ಕಟ್ಟೋಕೆ ಹೊರಡೋ ಕಟ್ಟಾಳುಗಳಿಗೂ ಹೆಜ್ಜೆಗೊಂದು ಸವಾಲು ಎದ್ರಾಗಬೋದು. ಏನೆ ಬಂದ್ರೂ ಮುಂದಡಿಯಿಡ್ತೀವಿ ಅನ್ನೋ ಧೃಡಸಂಕಲ್ಪ ಇದ್ರೆ ಎದ್ರಾಗೋ ಬಂಡೆಗಳೂ ಪುಡಿಪುಡಿ..

ಇಂಥಾ ಹಾಡುಗಳು ಈಗ್ಲೂ ಪರಿಣಾಮಕಾರಿಯಾಗಿ ಪ್ರೇರಣೆ ನೀಡ್ತಿರೋದು ಅವುಗಳ ಸಾರ್ಥಕತೆಗೆ ಸಾಕ್ಷಿ.